احبه بس حبه متعبني

احبه بس حبه متعبني

أحبه و الكل يشهد بغلاه أحبه و منه الله لا يحرمني

أعشق فيه جماله يامحلاه ولون عيونه الي تذوبني

يا ويلي عليه لو بس ألقاه يروح يومه كله و هو بحضني

لكن الزين ما يكمل حلاه حبه حلو لكنه حيل متعبني

يبيني طول الوقت واياه ما أتركه و لا يبي يتركني

مايبيني أتكلم الا معاه وبجنون غيرته صار يعذبني

و لو تأخرت لحظة عن لقاه يزعل و يقول ليه تكرهني

المشكله انه يعرف غلاه ويعرف انه بحبه مجنني

لو زعل أضيع في دنياه و أتمنى لو الأرض تبلعني

ياويلي بس لو جاني جفاه أتعب والبعد حيل يضايقني

ما أقدر أتحمل لحظة فرقاه أتعب و أحس ضميري يأنبني

أحيان أقول خلاص أبنساه و بروح وبقوله لا تكلمني

و أقول أحسن أعيش بلياه ما أبيه يتصل و لا يسأل عني

يمكن أرتاح من حبه وبلواه يمكن البعد عنه راح يريحني

و لما أروح وأتقابل معاه ألقى اللهفة فيني تقتلني

و أنسى الي كنت أنا أبغاه وألقى كل أحاسيسي تكذبني

فجأه ألقى نفسي بين دفاه وأضم صدره لين ما يحرقني

وأتنفس من شفاته و هواه وأقول له ماأبيك تبعد عني

و أنسى اني قلت أبي أنساه وأتذكر انه بالحيل واحشني

أحسه مالكني بحبه وغلاه وبلون عيونه أحسه ساحرني
بروحي وحياتي أنا أفداه فديت حبه حتى لو متعبني

ما أقول غير بجنون أهواه وعن حبه اله لايبعدني