SAMI
مشرف عام
المهنة : 
 المزاج : 
تاريخ التسجيل : 29/09/2008
 |  موضوع: اقراء و اضحك..  الثلاثاء ديسمبر 16 2008, 17:58 | |
| 1قالك واحد راح لليبان ..مالقاش واش يخدم ..املا قال والله غير نبدى نبيع الزلبياء
غدو من داك راو يخدم حتى وصل ليه واحد ياباني دربو ...عالاه؟؟؟
لقى اسم اختو فالمقلى
2قالك زوج مسطولين واحد فيهم نطق..واش هو اللأسم الحقاني تاع رونالدو؟؟
قالو لاخر..صالح
قالو كيفاه عرفت
قالو البارح تفرجت ماتش قال المعلق مخالفة الصالح رونالدو
3عجوزة لقات مرآة طايحة في الارض قالت علاه طيشو هاد الكادر المليح كي هزتوشافت روحها قالت : آه عليها طيشوه
4 قلك واحد قتل باباه وعلاه حاب يروح للرحلة تاع الايتام
5 قالك واحد عندو سيارة كات كات4X4 كلما يحطها برا يجبر على السيارة 16 =4X4 يمحيها وحدة المرة كتبها هو ومشى كي ولى صاب مكتوب قدام 16 =4X4 حسن جدا
6 قالك مسمار هرب من الدار عيطلو باباه في وكل شيء ممكن...قالو ولي لدار يا وليدي يماك راهي تصدات من لبكى
7قالك واحد راح يخطب، سقساه الأب: واش تخدم ولدي
قاله:...أووووو pharmacien
إيييييه الله يبارك....الطفلة راهي ليك
غدوا من ذاك ، فات عليه يبع فالكرنتيكا...كي شافه الطفل قال للمشتري
شوف هاذي عضة صباح وعضة العشية.
*قالك خطرة واحد بلع نص حبة كاشي نتاع الرقاد رقد بعين وحدة
*قالك واحد سكر و جا فالليل للدار ..عاد يدقدق فالباب فتحت عليه اختو....واش قاللها وين كنت يابنت الحرام هدا وين تجي للدار*8قالك واحد مزير على الدورو
قالك شي كفاه شرى كيلو تفاح....
كلى اللولا لقى فيها الدود ..رماها
زاد الدوزيام لقاها كما اللولا...........واش دار؟؟؟
طفى الضوء و كمل كلى
*في وحد القرية كاين حفرة ديما يطيحو فيها و سبيطار بعيد بزاف عليهم مالا كاين وحد الجماعة قاعدين يخمو كيفاش يديرو. قال الاول: علاش مانحطوش سيارة الاسعاف قدام الحفرةباه كي يطيح واحد نديوه بالخف. قال التاني: علاش مانبنيوش قدام الحفرة سبيطار؟ قالو التالت: علاش مانقفلوهاش ونحفرو وحدة قدام السبيطار
*قالكم واحد حاب يسافر و يستنى في VISA قال ليماه "يا يما ربي يخليك ليا ادعيلي دعوة من دعاويك المليحة" قالتلو"يا وليدي روح انشاء الله تلقاها قدامك خضرة و ورائك خضرة" غدوة الصباح لقى الجيش تاع دزاير بكل قدام دارو
*قالك واح النهارا واحد مغندف بغا يحرق أيا جا لوهرن وراح ل Sheratonأيا دخل وقعد قاعد يقارع فيه يقلع (حسبه بابور)
*قالك خطرة واحد مغندف جى يرجع الـCD للقدام دار ستيلو وبدى يدور فيه
*خطرة واحد هو مايشوفش مليح وزاد شرى مقنين ما يشوفش مليح جاء يحطو فالكاجا حطو برى والمقين
مسكين جاء يهرب ادخل للكاجا
*قالك 2 نساء ميسمعوش وحدة سقسات لاخرى راكي رايح للحمام ردت لاخرى لالا راني رايحة للحمام ردت الاولى وقالت ايه حسابني راكي رايح للحمام*واحد دخل لحانوت قالو كاين القازوز قاللو مولا الحانوت كاين اشكال وانواع قالوا اعطيني زوج انواع و زوج اشكال
*قالك خطرة واحد صاب برية مكتوب عليها لاتفتحها,,,,,,,؟؟؟؟؟؟؟ داه الطمع كي فتحها واش صاب؟؟؟؟؟؟؟؟؟؟؟؟لمــــــــــــــــــــــــــــــــــــاذا فتحتها
*قالك واحد زاد عندو ولد فيه شعرة واحدة في رأسه سماه محيرقة
|
| |
|
التسجيل <
