من كثر صدماتـي بنـاسً قريبيـن
قمت أتحرى صدمتي مـن أظلالـي
كل مابديت أنسى وجّيـه البعيديـن
ذكرت لي مع ضيقة الوقـت غالـي
كل ماشعرت أني سليـت المحبيـن
بديـت أطـرد هقوتـي وأحتمالـي
وكل ماتخيلت المحبـه مـن سنيـن
يأخذنـي الهاجـوس لابعـد خيالـي
مدري بكيت الحلم مع هاجس البيـن
والا شعـوري بالـغـلا مايبـالـي
مدري عزاي أنك بعيدً عـن العيـن
والا الندم يصفـق يمينـه شمالـي
مدري هو أحساسي بفقـدي لغاليـن
وأقول بعد اللـي رحـل وش بقالـي
أو غربة أحساسي خذتني على وين
وضاع الجـواب ولا تبـدد سؤالـي
دام أقرب أحبابي نسونـي وساليـن
وأنا لـو أنساهـم تناسيـت حالـي
لو عشت من صده عذاب الامريـن
وأستلهمت روحـي عـذاب الليالـي
ولو المواجع تقسم القلـب نصفيـن
ماضاق بي صدر الحليـم الشمالـي
أترجـم المعنـى بكـل المظامـيـن
وتجـي مسافـات المعانـي توالـي
وبين الصبر والصمت والخاطر الزين
ماقلـت ياليـل العنـا وش جرالـي
ومن كثر صدماتي بنـاسً قريبيـن
قمت أتحرى صدمتي مـن أظلالـي
التسجيل <
المزاج
موضوع: الحب رقصة تحت رذاذ من الضوء 
الأحد أغسطس 01 2010, 19:40
لاعجب في ذالك
