غزّة... يا جمل المحامل

غزّة يا جمل
المحامل
والكفّ يلاطم
المخرز
والأشلاء تنتصر على
القنابل
وإنْ فكّروا إنّه البحر
يبلعك
بتنهضي وبتسقطي
في عيون بوش وباراك
كاتيوشا وقنابل.
وإنْ فكّروا إنّه الجوع
بركّعك أو بموّتك
بتخضرّي وبتغزلي
للأطفال سنابل.
وإنْ جاعوا أطفال غزّة
بيشووا لحم الدبابات
ولحم نيرون وفرعون
وبرموا عظامهم
على المزابل.
يحميكي الله يا غزّة
وتحميكي الكاتيوشا
ويحميكي السّاعد
إ للي بقاتل
ومهما طال الزّمن
يا غزّة
أكيد أشلائك بتنتصر
على القنابل.